وزیراعظم کا کرپشن سے متعلق ٹرانسپیرنسی انٹرنیشنل کی رپورٹ کا خیر مقدم

 وزیراعظم عمران خان نے کرپشن سے متعلق ٹرانسپیرنسی انٹرنیشنل کی رپورٹ کا خیر مقدم کیا ہے اور کہا ہے کہ ٹرانسپیرنسی انٹرنیشنل نے سال 18-2017 کا ڈیٹا حاصل کیا، جب یہ اردو ترجمہ کروائیں گے انہیں پتا چل جائے گا۔

وزیراعظم نے مزید کہا کہ ن لیگ اور قبضہ مافیا ایک ہی ہیں، قبضہ مافیا کو نہیں چھوڑیں گے۔

پاکستان میں کرپشن چار درجے اور بڑھ گئی، ٹرانسپیرنسی انٹرنیشنل

2019 میں کرپشن سےمتعلق اس فہرست میں پاکستان کا رینک 120 اور اسکور 32 تھا جو 2020 میں 124 ہوگیا، 2018 میں پاکستان کا رینک 117 تھا

پارٹی ترجمانوں کے اجلاس میں وزیراعظم نے کہا کہ جسٹس ریٹائرڈ عظمت سعید ہی براڈ شیٹ کی انکوائری کریں گے، عظمت سعید نیب میں زرداری کے خلاف انکوائری کر رہے تھے تب ن لیگ خوش تھی۔

وزیراعظم نے کہا کہ مولانا فضل الرحمان باہر سے فنڈنگ لیتے رہے، مولانا کو جواب دہ ہونا پڑے گا، کوئی قانون سے بالا تر نہیں ،ان لوگوں نے ہمارے خلاف کیس کیا مگر خود پھنس گئے۔