میدان پھر سے سجے گا اور شائقین کو میچ اسٹیڈیم میں دیکھنے کا پھر سے موقع ملے گا۔

پاکستان سپر لیگ (پی ایس ایل)  سیزن 6 میں شائقین کرکٹرز کی حوصلہ افزائی کےلیے اسٹیڈیم میں ہوں گے، اس حوالے سے پاکستان کرکٹ بورڈ (پی سی بی) نے پلان تیار کرلیا ہے۔

پی سی بی نے پی ایس ایل میں تماشائیوں کو اسٹیڈیم لانےکیلئے حکومت سے اجازت مانگ لی

ذرائع کا کہنا ہے کہ پاکستان کرکٹ بورڈ پی ایس ایل 6کے دوران 20 سے 40 فیصد تماشائیوں کو میدان میں لانا چاہتا ہے۔

نیشنل کمانڈ آپریشن سینٹر (این سی او سی) حکام سے ملاقات کے بعد اعلان کل کیے جانے کا امکان ہے۔

ذرائع کے مطابق اسٹیڈیم میں 25 فیصد افراد کو بیٹھنے کی اجازت ہوگی  اور ایک خاندان کے ارکان کو ایک ساتھ بیٹھنے کی اجازت ہوگی۔

این سی او سی کی جانب سے اجازت ملنےکے بعد ٹکٹوں کی فروخت 10 فروری سے شروع ہونے کا امکان ہے۔