ڈیلی میل کے مضمون میں لکھے گئے الفاظ شہباز شریف کی ہتک عزت کا باعث تھے: برطانوی عدالت

برطانوی عدالت نے شہباز شریف بمقابلہ ڈیلی میل ہتک عزت کیس میں ریمارکس دیے کہ ڈیلی میل کے مضمون میں لکھے گئے الفاظ شہباز شریف کی ہتک عزت کا باعث تھے۔

لندن میں شہبازشریف کے ڈیوڈ روز اور برطانوی اخبار ڈیلی میل پر ہتک عزت کے دعوے کی سماعت ہوئی۔

جسٹس میتھیو نکلین نے کہا کہ اخبار کے مضمون میں لکھے گئے الفاظ شہباز شریف کی ہتک عزت کا باعث تھے۔

امداد چوری کا الزام: شہباز شریف نے برطانوی اخبار کیخلاف ہتک عزت کا دعویٰ کردیا

شہباز شریف نے برطانوی اخبار ڈیلی میل کے خلاف باضابطہ کارروائی کے لیے برطانیہ کی معروف لاء فرم کارٹر رک کی خدمات حاصل کی ہیں

جسٹس نکلین نے کہا کہ مضمون میں کہا گیا منی لانڈرنگ ہوئی ہے، مضمون میں کہا گیا کہ متاثرین میں برطانوی ٹیکس دہندگان بھی شامل ہیں،مضمون میں کہا گیا کہ شہبازشریف اورعلی عمران کرپشن سے مستفید ہوئے،مضمون میں کہا گیا کہ شہبازشریف منی لانڈرنگ سے بھی مستفید ہوئے، مضمون میں شہبازشریف کو یوکے ڈیفڈ کا پوسٹربوائے کہا گیا۔

جسٹس نکلین نے کہا کہ شہباز شریف کے خلاف پاکستان میں ہونے والی کارروائی کے بارے میں جان بوجھ کرکچھ نہیں پڑھا۔

ڈیلی میل کے وکلاء نے کہا کہ شہباز شریف کے خلاف کرپشن اور  منی لانڈرنگ کے الزامات بہت محدود اور مفروضوں پر مبنی تھے، شہبازشریف لاہور میں محل جیسے گھرمیں رہتے ہیں۔

شہباز شریف نے برطانوی اخبار ڈیلی میل کیخلاف مقدمہ کردیا

شہبازشریف نے دس ہزار 528 پاؤنڈ کورٹ فیس ادا کی تاہم مقدمے میں ہرجانے کی رقم کا تعین نہیں کیا

میل کے وکلا نے تسلیم کیا کہ شہباز شریف پر منی لانڈرنگ کا کوئی الزام نہیں۔  میل کے وکلا نے مشیر احتساب شہزاد اکبر کے بیان کا حوالہ بھی دیا کہ منی لانڈرنگ کی تحقیقات کا آغازہوچکا ہے، شہزاد اکبر کے مطابق فنڈزسے غبن کی گئی رقم برآمد بھی کی گئی ہے، غبن کے پیچھے کون ہے، پاکستان میں تفتیش اگلےمرحلے میں پہنچ چکی ہے،ہماری معلومات محدود ہیں۔

اس موقع پر شہباز شریف کے وکیل نے کہا کہ اخبار کا مضمون شواہد کے بجائے مکمل طور پربےبنیاد الزامات پرمشتمل تھا، مضمون میں شہباز شریف کی توہین کی گئی ہے، مضمون میں پہلےشہبازشریف اوربرطانوی حکومت کےرابطوں کی مثال دی گئی پھرکرپشن کے الزامات لگائےگئے۔

شہباز شریف کے وکلا کا کہنا تھا کہ ڈیلی میل کا مضمون جھوٹ پر مبنی تھا، شہباز شریف نے ایک روپے کی بھی کرپشن نہیں کی۔

ڈیلی میل کے وکلا نے کہا کہ ڈیلی میل نے شہباز شریف پر  منی لانڈرنگ کا براہ راست الزام نہیں لگایا، شہباز شریف پر تفصیلی شواہد کافی حد تک مفروضوں پر مبنی تھے لیکن ان کی بنیاد ان کا پرتعیش گھرہے۔

سائمن شیرون کیو سی نے کہا کہ عمران علی یوسف نے کوئی کرپشن نہیں کی، ڈیلی میل نے بے بنیاد الزامات لگائے، عمران علی پر  یہ الزامات، شہباز شریف کا رشتہ دار ہونے کی وجہ سے لگائے گئے۔

ڈیوڈ روز کا ردعمل

شہباز شریف کیخلاف متنازع مضمون لکھنے والے صحافی ڈیوڈ روز کا  برطانوی عدالت کے فیصلے کے حوالے سے ردعمل سامنے آیا ہے۔

ڈیوڈ روز کا کہنا ہے کہ آج کے فیصلے سے متعلق چند پاکستانی رپورٹس درست نہیں، یہ صرف ابتدائی سماعت تھی۔

ڈیوڈ روز نے کہا کہ یہ فیصلہ صرف حتمی ٹرائل کیلئے  پیرامیٹر طے کرتا ہے، آج صرف مضمون کے معنی کے حوالے سے فیصلہ ہوا۔