06 فروری ، 2021 
پاکستان
کے ٹو کی مہم جوئی: علی سد پارہ اور ٹیم کا رابطہ کل سے منقطع، سرچ آپریشن شروع
06 فروری ، 2021
اسکردو: پاکستانی کوہ پیما علی سدپارہ کی سربراہی میں کے ٹو سر کرنے کی مہم پر جانے والی سے ابھی تک رابطہ بحال نہیں سکا ہے جس کے باعث سرچ آپریشن شروع کر دیا گیا۔
ذرائع کا کہنا ہے کہ علی سدپارہ اور ٹیم کو کے ٹو کی انتہائی بلندی سے رات 2 بجے تک کیمپ پہنچنا تھا۔
ذرائع کے مطابق علی سدپارہ اور ٹیم سے مواصلاتی رابطہ کل سے منقطع ہے، ٹیم مقررہ وقت سے کئی گھنٹے بعد بھی کیمپ تھری واپس نہیں پہنچ سکی۔
ذرائع کا بتانا ہے کہ کوہ پیماؤں کی واپسی میں کئی گھنٹوں کی تاخیر کے باعث دو آرمی ہیلی کاپٹروں کے ذریعے سرچ آپریشن شروع کر دیا گیا۔
خیال رہے کہ گزشتہ روز ایک غیر ملکی کوہ پیما واپسی پر رسی ٹوٹنے کے باعث گر کر ہلاک بھی ہو گیا تھا۔
