پریانکا چوپڑا بھی بالی وڈ میں اقربا پروری کے معاملے پر بول پڑیں

معروف بالی وڈ اداکارہ پریانکا چوپڑا بھی بالی وڈ میں اقربا پروری اور بڑے اداکاروں کے بچوں کو ہی کام دینے کے معاملے پر بول پڑیں۔

 بالی وڈ میں کسی فلمی پس منظر اور خاندان سے تعلق نہ ہونے کے باوجود ڈھیر ساری کامیابیاں سمیٹنے والی اداکارہ نے ایک انٹرویو میں اقربا پروری پر کھل کر بات کی۔

پریانکا چوپڑا سے جب پوچھا گیا کہ کیا انہیں کبھی اقربا پروری کے باعث فلمی کیرئیر میں مشکلات کا سامنا کرنا پڑا ہے؟ تو انہوں اقرار کرتے ہوئےکہا کہ اس بارے میں انہوں نے اپنی کتاب میں بھی لکھا ہے۔

سشانت کی خودکشی اور اقربا پروری پر بحث، عالیہ کی فلم کا ٹریلر ناپسندیدہ قرار

فلم ’سڑک 2‘ کے ٹریلر کو اب تک 91 لاکھ سے زائد بار دیکھا گیا ہے اور اسے 38 لاکھ افراد نے ناپسند (ڈس لائک) کیا ہے جب کہ 2 لاکھ لوگوں نے ٹریلر کو لائک کیا ہے

اداکارہ کامزید کہنا تھا کہ یہ بات ٹھیک ہے کہ ہر ایک اپنے خاندان کا خیال کرنا چاہتا ہے ،ہم سب اپنے دوستوں اور رشتے داروں کی دیکھ بھال کرنا چاہتے ہیں اور ان کے لیے مواقع پیدا کرنا چاہتے ہیں، میں بھی یہ کرنا چاہتی ہوں۔

ان کا کہنا تھا کہ اپنے دوستوں اور خاندان والوں کو سپورٹ کرنے کا مطلب یہ نہیں ہے کہ  آپ دوسروں کو مکمل طور پر نظرانداز کردیں، میرا خیال ہے کہ جن لوگوں کے پاس میز  موجود ہے تو کیا یہ بہتر نہیں ہوگا کہ اگر ہم اس میز کو صرف اپنے لوگوں کی اجارہ داری کی جگہ بنانے کے بجائے میز ہی میں توسیع کی کوشش کریں تاکہ دوسرے بھی وہاں بیٹھ سکیں۔

خیال رہے کہ بالی وڈ  میں اقربا پروری کے حوالے سے بحث جاری رہتی ہے تاہم اس میں اس وقت اضافہ ہوا تھا جب اداکار سشانت سنگھ نے مبینہ طور پر بالی وڈ میں نظر انداز کیے جانے اور کام نہ ملنے پر خودکشی کرلی تھی جس پر اداکارہ کنگنا رناوت نے اس کا ذمہ دار بالی وڈ میں اقربا پروری کو قرار دیا تھا۔