اداکارہ دیا مرزا کی شادی کی تقریب کا آغاز

بالی وڈ اداکارہ دیا مرزا کی شادی کی تقریب کا آغاز ہوگیا ہے جب کہ اداکارہ نے اپنی مہندی کی تصاویر بھی شیئر کی ہیں۔

خیال رہے کہ اداکارہ دیا مرزا  آج ممبئی کے بزنس مین ویبھوو ریکھی سے رشتہ ازدواج میں منسلک ہو جائیں گی۔

کیا اداکارہ دیا مرزا دوبارہ رشتہ ازدواج میں منسلک ہونے والی ہیں؟

بالی وڈ اداکارہ دیا مرزا نے شادی کے 5 سال بعد 2019 میں پروڈیوسر ساحل سنگھا سے علیحدگی اختیار کر لی تھی

بھارتی میڈیا کے مطابق شادی کی تقریب میں صرف ان کے گھر والے اور قریبی دوست شرکت کر رہے ہیں۔

39 سالہ اداکارہ  کی یہ دوسری شادی ہے ، اس سے قبل  پروڈیوسر ساحل سنگھا سے شادی کے 5 سال بعد  2019 میں دیا مرزا کی شوہر سے علیحدگی ہوگئی تھی۔

دیا مرزا نے انسٹاگرام اسٹوری پر اپنی گذشتہ روز ہونے والی مہندی اور اپنی شادی کی پارٹی کےجوڑے کی تصاویر بھی شیئر کی ہیں۔

اس کے علاوہ دیا مرز کی عروسی لباس میں ملبوس تصویر بھی سامنے آگئی ہے۔

خیال رہے کہ دیا مرزا کو آخری بار اداکارہ تاپسی پنوں کے ساتھ فلم 'تھپڑ' میں دیکھا گیا تھا اور آج کل وہ ایک تیلگو فلم 'وائلڈ ڈوگ' کی شوٹنگ میں مصروف ہیں۔