این اے 75: الیکشن کمیشن کے عملے سے نتائج تبدیل کرائے گئے، رانا ثنا کا دعویٰ

لاہور: مسلم لیگ (ن)  پنجاب کے صدر رانا ثنا اللہ نے کہا ہے کہ حکومتی ایما پر الیکشن کمیشن کے عملے کو ایک فارم ہاؤس میں لے جاکر نتائج تبدیل کروائے گئے۔ 

جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے رانا ثنا اللہ کا کہنا تھا کہ ڈسکہ کے ضمنی الیکشن میں 100 سے زائد پولنگ اسٹیشنوں میں دھاندلی ہوئی ہے۔

انہوں نے کہا کہ اس لیے بہتر ہے کہ پورے حلقے میں دوبارہ انتخاب ہو۔

واضح رہےکہ قومی اسمبلی کے حلقے این اے 75 ڈسکہ میں ضمنی الیکشن میں شدید بد نظمی دیکھنے میں آئی اور اس دوران پیدا ہونے والی کشیدگی سے دو افراد بھی جاں بحق ہوئے۔

ڈسکہ کے ضمنی الیکشن میں 20 پولنگ اسٹیشنوں کا نتیجہ سامنے نہ آنے پر الیکشن کمیشن نے ایکشن لیا اور تحقیقات کا حکم دیا ہے۔

الیکشن کمیشن نے این اے 75 ڈسکہ کے نتائج تبدیل کیے جانے کے خدشے کے پیش نظر ضمنی الیکشن کا نتیجہ روک رکھا ہے۔

ملک میں بہت جلد نئے اور آزادانہ انتخابات ہوں گے، آفتاب شیرپاؤ کا دعویٰ

پی ٹی آئی کوڈھونڈنے سے بھی امیدوار نہیں ملیں گے، پی ڈی ایم نے پرویز خٹک کو اس کے گڑھ میں ہرادی، مانسہرہ میں جلسے سے خطاب

عثمان بزدار اور پرویزالٰہی نے سینیٹ الیکشن کیلئے لائحہ عمل کو حتمی شکل دیدی

وزیراعلیٰ پنجاب اور اسپیکر پنجاب اسمبلی نے سینیٹ الیکشن کے لیے مختلف گروپس بنا کر پارٹی رہنماؤں کو ٹاسک دینے کا فیصلہ کیا ہے