سی پیک کے ذریعے اقتصادی رابطے سری لنکا تک بڑھائے جاسکتے ہیں، وزیراعظم

وزیر اعظم عمران خان نے سری لنکن ہم منصب مہندرا راجہ پاکسے سے ون آن ون ملاقات کی۔

ملاقات کے بعد مشترکہ پریس کانفرنس میں وزیراعظم عمران خان نے کہا کہ چائنا پاکستان اقتصادی راہداری (سی پیک) کے ذریعے اقتصادی رابطے وسط ایشیا اورسری لنکا تک بڑھائے جاسکتے ہیں۔

دونوں رہنماؤں کے درمیان ملاقات میں دو طرفہ امور اور علاقائی صورتحال پر بات چیت کی گئی۔ 

سری لنکا میں وزیراعظم کا سرخ قالین استقبال، گارڈ آف آنر اور توپوں کی سلامی

وزیر خارجہ شاہ محمود قریشی، مشیرتجارت عبدالرزاق داؤد، معاون خصوصی برائے اوورسیز پاکستانیز ذلفی بخاری بھی وزیراعظم کے ہمراہ ہیں

پاکستان اور سری لنکا کے درمیان وفود کی سطح پر بھی مذاکرات ہوئے جس میں مختلف شعبوں میں تعاون بڑھانے پر گفتگو کی گئی۔

بعد ازاں دونوں ممالک کے درمیان مفاہمتی یادداشتوں پر دستخط کیے گئے۔

اس سے قبل وزیراعظم عمران خان کی کولمبو آمد پر سری لنکن وزیراعظم نے ان کا ریڈ کارپیٹ استقبال کیا اور اس موقع پر گارڈ آف آنر بھی پیش کیا گیا۔

وزیراعظم عمران خان کا شاندار استقبال کرتے ہوئے دونوں ممالک کے ترانے بھی بجائے گئے۔

وزیراعظم عمران خان کا منصب سنبھالنے کے بعد سری لنکا کا یہ پہلا دورہ ہے۔