23 فروری ، 2021 
پاکستان
تحریک انصاف کے رہنما لیاقت جتوئی نے انکشاف کیا تھا کہ تحریک انصاف نے سیف اللہ ابڑو کو سینیٹ کا ٹکٹ 35 کروڑ روپے میں دیا— فوٹو: فائل
سیف اللہ ابڑو نے لیاقت جتوئی کو 2 ارب روپے ہرجانے کا نوٹس بھیج دیا
23 فروری ، 2021
کراچی: تحریک انصاف کے رہنما سیف اللہ ابڑو نے اپنے وکیل کے ذریعے لیاقت جتوئی کو قانونی نوٹس بھیج دیا۔
قانونی نوٹس میں مطالبہ کیا گیا ہے کہ لیاقت جتوئی اپنے بیان پر معافی مانگیں اور دو ارب روپے ہرجانہ ادا کریں۔
قانونی نوٹس میں کہا گیا ہے کہ لیاقت جتوئی نے بغیر ثبوت الزامات عائد کیے،لیاقت جتوئی کےالزام سےسیف اللہ ابڑو کو بدنام کرنےکی کوشش کی گئی۔
خیال رہے کہ اپنے بیان میں تحریک انصاف کے رہنما لیاقت جتوئی نے انکشاف کیا تھا کہ تحریک انصاف نے سیف اللہ ابڑو کو سینیٹ کا ٹکٹ 35 کروڑ روپے میں دیا۔
اس حوالے سے وزیر اعظم عمران خان کے معاون خصوصی شہباز گِل نے کہا تھا کہ لیاقت جتوئی اپنے دعوے کا ثبوت نہ دے سکے تو ان کے خلاف سخت کارروائی ہوگی۔
