پاکستان
12 فروری ، 2012
12 فروری ، 2012 
پشاور:حیات آباد پولیس چوکی کے قریب موٹرسائیکل دھماکہ
12 فروری ، 2012
پشاور…پشاور کے پوش علاقہ حیات آباد میں دھماکے سے پولیس چوکی کو نقصان پہنچا۔پولیس کے مطابق شدت پسندوں نے سائیکل حیات آباد فیز ٹو کی پولیس چوکی کے قریب کھڑی کردی تھی موٹر سائیکل میں بارودی مواد چھپایا گیا تھا۔ دھماکہ خیز مواد کو ریموٹ کنٹرول کے ذریعہ اڑا دیا گیا۔ دھماکہ سے چوکی کو جزوی نقصان پہنچا جبکہ موٹرسائیکل تباہ ہوگئی۔ تاہم چوکی خالی ہونے کی وجہ سے کوئی جانی نقصان نہیں ہوا۔ دھماکے سے علاقے میں خوف و حواس پھیل گیا۔ پشاور میں ایک ہی روز دہشت گردی کا یہ دوسرا واقعہ ہے۔ رات گئے پشاور کے نواحی علاقے سرا درگئی دھماکے میں 7 افراد جاں بحق اور تین زخمی ہوئے تھے۔
