25 فروری ، 2021 
یہ کن دو بھارتی اداکاروں کا بچپن ہے؟
25 فروری ، 2021
بالی وڈ اداکار شاہد کپور آج اپنی 40 ویں سالگرہ منارہے ہیں اور ان کی سالگرہ پر جہاں بالی وڈ فلم انڈسٹری کے دیگر اداکاروں کی جانب سے مبارکباد دی جارہی ہے وہیں ان کے سوتیلے بھائی اداکار ایشان کھتر نے بھی شاہد کپور کو منفراد انداز میں مبارکباد دی۔
ایشان کھتر نے انسٹاگرام پر اپنی اور شاہد کپور کی حالیہ تصویر کے ہمراہ بچپن کی تصویر شیئر کی جس میں شاہد کپور ایشان کو گود میں اٹھائے ہوئے ہیں۔
تصویر کے ہمراہ ایشان کھتر نے شاہد کپور کو سالگرہ کی مبارکباد دیتے ہوئے ان کے نام ایک پیغام بھی شیئر کیا۔
ایشان نے لکھا کہ زندگی کیسی ہے پہیلی ہائے ،کبھی تو ہنسائے کبھی یہ رلائے لیکن اس سب کے ساتھ میں ہمیشہ آپ سے پیار کرتا رہوں گا بڑے بھائی:سالگرہ مبارک۔
خیال رہے کہ شاہد کپور بالی وڈ اداکار پنکج کپور اور نیلما عظیم کے صاحبزادے ہیں، نیلما نے پنکج کپور سے اس وقت طلاق لی جب شاہد کپور صرف 3 سال کے تھے جب کہ علیحدگی کے بعد شاہد کپور اپنی والدہ کے ساتھ رہے۔
بعد ازاں نیلما نے راجیش کھتر سے شادی کی جن سے ان کے دوبیٹے ہیں جن میں سے ایک ایشان کھتر ہیں۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
