26 فروری ، 2021 
انٹرٹینمنٹ
فوٹو: فائل
عائشہ عمر اداکاری کے بعد کاروباری دنیا میں قدم رکھنے کو تیار
26 فروری ، 2021
متعدد فلموں اور ڈراموں میں اداکاری کے جوہر دکھانے والی پاکستانی اداکارہ عائشہ عمر اب کاروباری دنیا میں بھی قدم رکھنے کو تیار ہیں۔
عائشہ عمر کی جانب سے اعلان کیا گیا ہے کہ وہ اپنی برانڈ ’عائشہ او بیوٹی‘ کی بنیاد خواتین کے عالمی دن کے موقع پر یعنی 8 مارچ کو رکھیں گی۔
عائشہ عمر کی برانڈ کا دارومدار خالص اور قدرتی پروڈکٹس پر ہو گا جب کہ ان کی برانڈ میں کس طرح کی پروڈکٹس شامل ہوں گی اس حوالے سے زیادہ تفصیلات سامنے نہیں آئی ہیں۔
خیال رہے کہ پاکستان شوبز انڈسٹری کی متعدد شخصیات اداکاری کے ساتھ ساتھ کاروباری دنیا میں قدم رکھ چکی ہیں۔
چند روز قبل اداکار اعجاز اسلم نے بھی اپنی بیوٹی پروڈکٹس کی برانڈ بنائی اور اداکار میکال ذوالفقار نے بھی اپنا سیلون کھولا تھا۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
