مداحوں کی بھیڑ میں دیپیکا کا بیگ چھینے جانے کی کوشش

سوشل میڈیا پلیٹ فارم انسٹاگرام پر بالی وڈ اداکارہ دیپیکا پڈوکون کی ایک ویڈیو وائرل ہورہی ہے جس میں دیکھا جاسکتا ہے کہ ریسٹورینٹ سے باہر گاڑی میں بیٹھتے وقت خاتون نے دیپیکا کا بیگ چھیننے کی کوشش کی۔

یہ وائرل ویڈیو گزشتہ روز دیپیکا پڈوکون کے ممبئی کے ایک ریسٹورینٹ سے باہر نکلتے وقت کی ہے، جب معمول کے مطابق دیپیکا کے مداح انہیں دیکھ کر دیوانا وار ان کی طرف بھاگے۔

ویڈیو میں دیکھا جاسکتا ہے کہ دیپیکا کے گارڈ انہیں مجمعے سے باہر نکالنے میں مصروف ہیں تاہم اسی دوران ایک خاتون دیپیکا کو ٹشو لینے کی آفر کرتے ہوئے آگے بڑھی اور پھر انہوں نے دیپیکا کا بیگ چھیننے کی کوشش کی۔

اس واقعے پر اداکارہ گھبرا گئیں اور ان کے گارڈز نے فوری طور پر بیگ واپس لے لیا۔