وزیراعظم نے آئینی ادارے کی توہین کرکے الیکشن کمیشن ایکٹ کی خلاف ورزی کی، شیری رحمان

پیپلزپارٹی کی نو منتخب سینیٹر شیری رحمان کا کہنا ہے کہ وزیراعظم نے ایک آئینی ادارے کی توہین کرکے الیکشن کمیشن ایکٹ کی خلاف ورزی کی ہے۔

’وزیراعظم کے بیان پر دکھ ہوا، ہر شخص اور جماعت میں شکست تسلیم کرنے کا جذبہ ہونا چاہیے‘

ای سی پی ایک آئینی اور آزاد ادارہ ہے، کسی کی خوشنودی یا دباؤ میں آکر نہیں آئین اور قانون کے مطابق کام کرتے ہیں: اعلامیہ

انہوں نے کہا کہ الیکشن کمیشن پر 'مجرموں کو بچانے' اور جمہوریت کو نقصان پہنچانے کے الزامات قابل تشویش ہیں، وزیراعظم اپنے ارکان کو قابو کریں، اداروں کو متنازع نہ بنائیں۔

شیری رحمان نے کہا کہ ڈسکہ الیکشن کے بعد حکومت کے پاس الیکشن کمیشن پر انگلی اٹھانے کا اخلاقی جواز نہیں بچا۔