07 مارچ ، 2021
لاہور میں گندگی اور کچرے کے ڈھیر کے باعث گلی محلوں میں شہریوں کے ساتھ ساتھ بازاروں میں دکان دار بھی پریشان ہیں۔
لاہور شہر میں جگہ جگہ کچرے کے ڈھیر اور گندگی کی وجہ سے تعفن اور بدبو اٹھنے لگی ہے جس کی وجہ سے بیماریاں پھیلنے کا بھی خدشہ ہے۔
اس حوالے سے لاہور ویسٹ مینجمنٹ کمپنی کا کہنا ہے کہ صاف ستھرا ماحول فراہم کرنے کے لیے ہر ممکن اقدامات کیے جا رہے ہیں۔
حکام کا کہنا تھا کہ کل سے اضافی وسائل کی مدد سے معمول کے آپریشن کے ساتھ بیک لاگ بھی کلیئر کیا جائے گا۔