حمزہ علی عباسی کی کتاب کا پہلا مرحلہ مکمل

پاکستانی اداکار حمزہ علی عباسی نے اپنی کتاب کی لکھائی کے حوالے سے چاہنے والوں کو آگاہ کیا ہے۔

حمزہ علی عباسی نے ٹوئٹر کے ذریعے اپنے چاہنے والوں کو بتایا کہ ’ان کی کتاب کی لکھائی کا ابتدائی مسودہ مکمل ہو گیا ہے‘۔

اپنی کتاب کا ابتدائی مسودہ مکمل ہونے پر حمزہ علی عباسی نے اللہ کا شکر بھی ادا کیا۔

حمزہ کی ٹوئٹ پر ایک صارف نے کمنٹ کیا کہ ’مجھے بھی یہ کتاب چاہیے، اگر یہ کتاب آپ نے لوگوں کے لیے مفت نہیں کی تو پھر دیکھیے گا‘۔

عمر خطاب کے کمنٹ کا جواب دیتے ہوئے اداکار حمزہ علی عباسی نے کہا کہ انشاءاللہ مفت ہی ہوگی۔

حمزہ علی عباسی کس موضوع پر کتاب لکھ رہے ہیں؟

حمزہ علی عباسی ٹوئٹر پر کافی فعال نظر آتے ہیں اور انہوں نے اب مداحوں کو اپنی کتاب کے حوالے سے آگاہ کیا ہے

خیال رہے کہ گزشتہ سال 2 دسمبر کو حمزہ علی عباسی نے اعلان کیا تھا کہ وہ اپنی کتاب لکھ رہے ہیں اور امید ہے کتاب جون 2021 تک مکمل ہو جائے گی۔