09 مارچ ، 2021 
پاکستان
وزیراعظم کی زیر صدارت اہم اجلاس، شیخ رشید کو مدعو نہیں کیا گیا
09 مارچ ، 2021
وزیراعظم عمران خان کی زیر صدارت پاکستان تحریک انصاف (پی ٹی آئی ) کی سینیئر قیادت کا اہم اجلاس ہوا تاہم وفاقی وزیر داخلہ شیخ رشید کو مدعو نہیں کیا گیا۔
اطلاعات کے مطابق اس اہم ترین اجلاس میں وفاقی وزیر داخلہ شیخ رشید موجود نہیں تھے۔
اجلاس میں صرف تحریک انصاف سےتعلق رکھنے والے وفاقی وزراء ہی شریک ہوئے۔
خیال رہے کہ شیخ رشید کا تعلق عوامی مسلم لیگ سے ہے اور وہ وزیر داخلہ بننے سے قبل وزیر ریلوے تھے۔
گزشتہ دنوں قومی اسمبلی میں اعتماد کے ووٹ کے موقع پر بھی ویڈیو سامنے آئی تھی جس میں بظاہر ایسا نظر آرہا تھا کہ وزیراعظم عمران خان نے شیخ رشید سے ہاتھ ملانے سے گریز کیا۔
