13 مارچ ، 2021 
پاکستان
فوٹو: فائل
کورونا کی نئی لہر، سول ایوی ایشن نے ٹریول ایڈوائزری میں توسیع کر دی
13 مارچ ، 2021
کراچی: کورونا وائرس کی نئی لہر کے پیش نظر سول ایوی ایشن اتھارٹی (سی اے اے) نے ٹریول ایڈوائزری میں توسیع کر دی ہے۔
سول ایوی ایشن اتھارٹی کے مطابق بیرون ملک سے آنے والے مسافروں، چارٹرڈ اور نجی جہاز رکھنے والی کمپنیز سے متعلق ٹریول ایڈوائزری میں 18 مارچ تک توسیع کر دی گئی ہے۔
سی اے اے کے ڈائریکٹر ائیر ٹرانسپورٹ عرفان صابر کی جانب سے جاری اعلامیے کے مطابق کورونا ایس او پیز کے تحت ممالک کی 3 کٹیگریز کا فیصلہ تاحال برقرار رہے گا۔
اعلامیے میں کہا گیا ہے کہ کیٹیگری اے کے مسافروں کے لیے کورونا ٹیسٹ سے استثنیٰ ہو گا، کیٹیگری بی کے مسافروں کو پاکستان سفر سے 72 گھنٹے پہلے کورونا ٹیسٹ کروانا لازمی ہو گا۔
