14 مارچ ، 2021 
مداح کی عمران اشرف سے ٹوکری ڈال کر آٹوگراف لینے کی ویڈیو وائرل
14 مارچ ، 2021
اداکار عمران اشرف کا شمار صفر سے سیڑھی چڑھنے والے اداکاروں میں کیا جاتا ہے اور کچھ عرصہ قبل وہ اپنے انٹرویو میں بھی کیرئیر میں درپیش سخت مشکلات اور جدوجہد کا ذکر کرچکے ہیں ۔
گزشتہ روز عمران اشرف کی جانب سے انسٹاگرام پر ایک ویڈیو شیئر کی گئی جس میں دیکھا جاسکتا ہے کہ شوٹنگ کے لیے وہ اندرون لاہور کی گلیوں میں موجود ہیں۔
جہاں ایک مداح کی جانب سے ٹوکری ڈال کر عمران اشرف سے آٹوگراف دینے کی خواہش کا اظہار کیا گیا اس پر عمران اشرف نے مداح کی خواہش پوری کرتے ہوئے عمارت کے نیچے سے ہی ان کا نام پوچھا اور پھر ٹوکری سے ڈائری نکال کر آٹوگراف دیا۔
ویڈیو کو اب تک 4 لاکھ سے زائد بار دیکھا جاچکا ہے جب کہ ہزاروں کی تعداد میں مداح عمران اشرف کے انتہائی دوستانہ رویے کے قائل ہوتے ہوئے ان کی تعریف کررہے ہیں۔
ایک مداح کا کہنا تھا کہ اسے ہی مخلص محبت کہتے ہیں جب کہ ایک ہندوستانی صارف نے اداس ایموجی کے ساتھ عمران اشرف سے ملنے کی خواہش کا اظہار کیا اور کہا کہ انڈین آپ سے کب ملیں گے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
