15 مارچ ، 2021 
بگ باس کے نئے سیزن میں ’بیٹے‘ کیساتھ آنے کی دعوت ملی ہے، عرشی کا دعویٰ
15 مارچ ، 2021
بھارت کی ماڈل گرل عرشی خان نے دعویٰ کیا ہے کہ بالی وڈ اسٹار سلمان نے بگ باس کے نئے سیزن میں بیٹے ’شیرو‘ کے ساتھ آنے کی دعوت دی ہے۔
بھارتی ماڈل گرل عرشی خان مشہور رئیلٹی شو ‘بگ باس’ کے 11 ویں سیزن میں شریک ہوئیں اور خوب شہرت حاصل کی۔
اس کے بعد یہ اپنے بیانات کے باعث شہ سرخیوں میں رہتی ہیں جبکہ حال ہی میں انہوں نے بگ باس کے 14 ویں سیزن میں بھی انٹری دی تھی۔
اپنے انٹرویو میں عرشی خان نے کہا ہے کہ سلمان خان نے بگ باس کے ‘15’ سیزن میں شرکت کیلئے دعوت دی ہے اور کہا ہے کہ بیٹے ’شیرو‘ کے ساتھ آنا ہے۔
خیال رہے کہ عرشی خان کو ‘بگ باس’ کے 14 ویں سیزن میں ایک کھلونا دیا گیا تھا جس کا نام انہوں نے شیرو رکھا تھا اور شو سے نکلنے کے بعد اب بھی ان کے پاس ہے۔
عرشی نے بتایا کہ ’شو کے بعد پارٹی میں ایک بچی نے مجھ سے ’شیرو‘ مانگا تو میں نے یہ کہہ کر منع کردیا کہ یہ میرا بیٹا ہے اور میں اسے خود سے دور نہیں کرسکتی‘۔
ان کا کہنا تھا کہ ’سلمان خان میری بات پر مسکرادیے اور کہا کہ اگلے سیزن میں بیٹے کو لیکر شو میں واپس آنا‘۔
خیال رہے کہ حال ہی میں عرشی خان نے ممبئی میں اپنا فلیٹ بھی خریدا ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
