17 مارچ ، 2021 
مختصر ویڈیو بنائیں اور فیس بک سے پیسے کمائیں
17 مارچ ، 2021
سوشل میڈیا سائٹ فیس بک کے کچھ صارفین اب مختصر ویڈیو پوسٹ کو آمدنی کا ذریعہ بناسکتے ہیں۔
فیس بک کی جانب سے اعلان کیا گیا ہے اب صارفین ایک منٹ کی مختصر ویڈیوز اور لائیو اسٹریم کے ساتھ ساتھ اشتہارات کے ذریعے بھی آمدنی حاصل کرسکتے ہیں۔
فیس بک ایپ مونیٹائزیشن کے ڈائریکٹر یوو آرنسٹائن کا کہنا ہے کہ کمپنی اس پروگرام کے ذریعے مختصر اور لائیو ویڈیوز بنانے والوں کو بااختیار بنانا چاہتی ہے۔
فیس بک کی جانب سے کیے گئے اس نئے اعلان کو سوشل میڈیا سائٹ ٹک ٹاک کے لیے ایک مقابلہ تصور کیا جارہا ہے۔
ایک رپورٹ کے مطابق ٹک ٹاک صارفین ایپ کریٹر فنڈز کے تحت ویوز کو آمدنی کا ذریعہ بناتے ہیں، ایپ کریئٹرز فنڈ کے ممبران کے لیے اپلائی کرنے کے 30 دن کے دوران 10ہزار فالورزاور ویوز کا ہونا ضروری ہے۔ اس پروگرام کے ذریعے صارفین کو ہر 1000 ویوز پر 2 سے 4 سینٹ کی آمدنی ہوتی ہے۔
فیس بک کے اعلان کردہ پروگرام کے مطابق فیس بک پر مختصر ویڈیوز کے ذریعے آمدنی حاصل کرنے والے صارف کے پاس 10 ہزار فالورز کے ساتھ ساتھ گزشتہ دو ماہ کے دوران 6 لاکھ ویوز اور کم از کم 5 ویڈیوز یا لائیو اسٹریم کا ہوناضروری ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
