20 مارچ ، 2021 
شوبز ستاروں کی پاکستانیوں سے اپیل
20 مارچ ، 2021
کورونا کی تیسری لہر نے دنیا بھر کی طرح پاکستان کو بھی اپنی لیپٹ میں لیا ہوا ہے ایسے میں پاکستان کی شوبز انڈسٹری سے منسلک مشہور شخصیات کی جانب سے ویڈیو پیغام میں تمام پاکستانیوں کو احتیاطی تدابیر اپنانے پر زور دیا گیا ہے۔
سماجی رابطے کی ویب سائٹ ٹوئٹر پر نیشنل ہیلتھ سروسز کی وزارت نے ایک ویڈیو پیغام جاری کرتے ہوئے لوگوں کو کورونا ایس او پیز پر عمل درآمد کرنےکی ترغیب دی ہے۔
ویڈیوپیغام میں شوبز کے مشہور فنکار بلال عباس، ماہرہ خان، وہاج علی اور اقراء عزیز مداحوں کو کورونا کے خلاف حفاظتی تدابیر اختیار کرنے کا پیغام دے رہے ہیں۔
ویڈیو پیغام کے آغاز میں سپر اسٹار ماہرہ خان کہتی ہیں کہ آئیے ہم سب مل کر کورونا کو شکست دیں۔
جبکہ اداکار وہاج علی اور بلال عباس خان مداحوں سے یہ کہتے دکھائی دے رہے ہیں کہ آئیے ایک دوسرے سے مل کر وعدہ کریں کہ فیس ماسک زیادہ سے زیادہ استعمال کریں گے اور اپنے ہاتھوں کو بار بار سینیٹائز کریں گے۔
اداکارہ اقراء کا کہنا ہے کہ ایک دوسرے سے 6 فٹ کا فاصلہ رکھیں گے اور زیادہ رش والی جگہوں پر جانے سے اجتناب کریں گے۔
ویڈیو کے آخری پیغام میں بھی اداکاروں کی جانب سے اپنے تمام مداحوں کو ’اب احتیاط اور بھی زیادہ‘ پر زور دیا گیا ہے
