ستمبر تک امریکی فوجی انخلاء طالبان سے معاہدے کی خلاف ورزی ہے، روس
14 اپریل ، 2021
افغانستان سے ستمبر تک امریکی افواج کے انخلاءکے امریکی فیصلے پر روس کی جانب سے تحفظات کا اظہار کیا گیا ہے۔
ایک بیان میں روسی وزارت خارجہ کاکہنا ہےکہ ستمبر تک امریکی فوجی انخلاء طالبان سے معاہدے کی خلاف ورزی ہے، معاہدے کی خلاف ورزی سے کشیدگی بڑھنے کا خطرہ ہے۔
خیال رہے کہ امریکی صدر جو بائیڈن نے رواں سال 11 ستمبر تک افغانستان سے تمام امریکی افواج نکالنے کا فیصلہ کیا ہے جس کا اعلان آج متوقع ہے۔
امریکا طالبان معاہدے کے مطابق امریکی افواج کو افغانستان سے مئی تک نکلنا ہے۔
افغان طالبان نے معاہدے کے مطابق انخلاء نہ ہونے کی صورت میں نتائج کی دھمکی دے رکھی ہے، افغانستان میں 2500 سے زائد امریکی فوجی موجود ہیں۔
