طاقت کے زور پر سڑکیں بند کرنا جائز نہیں: طاہر اشرفی

متحدہ علما بورڈ پنجاب کے چیئرمین اور وزیراعظم کے خصوصی نمائندے حافظ طاہر محمود اشرفی کا کہنا ہےکہ طاقت کے زور پر سڑکیں بند کرنا جائز نہیں ہے۔

بحریہ ٹاؤن گرینڈ مسجد کے باہر میڈیا سے گفتگو میں طاہر محمود اشرفی نے کہا کہ موجودہ حالات کنٹرول کرکے حکومت کی رٹ قائم کی جائے گی، ریاست اندرونی و بیرونی سازشوں کا مقابلہ کرنا جانتی ہے، طاقت کے زور پر سڑکیں بند کرنا جائز نہیں جب کہ پولیس اہلکاروں پر تشدد بھی افسوسناک ہے۔

 انہوں نے کہا کہ وزیراعظم عمران خان نے پہلی بار اقوام متحدہ میں ناموس رسالتؐ اور عقیدہ ختم نبوتؐ کے لیے آواز بلندکی۔

طاہر اشرفی کا کہنا تھا کہ مساجد میں کورونا ایس او پیز پر عمل کرنا ضروری ہے جب کہ روزے کی حالت میں کوروناویکسین لگوائی جاسکتی ہے۔