محمد عباس کی کاؤنٹی کرکٹ میں شاندار بولنگ

قومی ٹیم کے فاسٹ بولر محمد عباس نے کاؤنٹی کرکٹ میں شاندار بولنگ کا مظاہرہ کیا ہے۔

کاؤنٹی کرکٹ میں ہیمپشائرکی نمائندگی کرتے ہوئے  محمد عباس نے مڈل سیکس کےخلاف میچ میں9  وکٹیں حاصل کیں جس میں پہلی اننگز میں ہیٹ ٹرک بھی شامل ہے۔

محمد عباس کا ردہم اور اعتماد کے ساتھ قومی ٹیم میں واپسی کا ہدف

محمد عباس نے کاؤنٹی کرکٹ میں ہیمپشائر کی جانب سے مڈل سیکس کے خلاف میچ میں نو 9 وکٹیں حاصل کیں جس میں ایک ہیٹ ٹرک بھی شامل ہے

پہلی اننگز میں محمد عباس نے ہیٹ ٹرک سمیت 6 وکٹیں لیں، محمد عباس کی بولنگ کی بدولت ہیمپشائر نے 249رنز سے کامیابی حاصل کی ۔

محمد عباس کا کہنا ہے کہ کاؤنٹی کرکٹ میں سیزن کا آغاز اچھا ہوا ہے خوشی ہے کہ ہے پہلے دو میچز میں کامیابی ملی ہے۔

 انہوں نے کہا کہ میری کوشش یہی ہے کہ کاؤنٹی کرکٹ کھیل کر ردہم حاصل کروں لمبی بولنگ کر کے اپنا اعتماد بحال کرنا چاہتا ہوں اعتماد اور ردہم کے ساتھ ایک بار پھر ملک کے لیے کچھ کرنا چاہتا ہوں۔

محمد عباس نے کہا کہ میں اپنے ورک لوڈ کو بھی سیٹ کر رہا ہوں ٹارگٹ یہی ہے کہ ٹیم میں واپس آنا ہے جب بھی موقع دیا گیا تو ملک کے لیے کھیلنا چاہوں گا۔