کورونا کا شکار دھونی کے والدین اسپتال منتقل

بھارتی کرکٹر مہندر سنگھ دھونی کے والدین کو کورونا مثبت آنے کے بعد اسپتال میں داخل کرلیا گیا ۔

بھارتی میڈیا کے مطابق دھونی کے والدین کو بھارتی ریاست جھارکنڈ رانچی کے نجی اسپتال سپر اسپیشلیٹی میں داخل کیا گیا ہے ۔

بھارتی میڈٰیا کے مطابق دھونی کے والدین کی آکسیجن کی سطح مستحکم ہے۔

غور طلب بات یہ ہے کہ دھونی اس وقت انڈین پریمیئر لیگ کے 14 ویں ایڈیشن میں چنائی سپر کنگ کی قیادت کررہے ہیں۔

خیال رہے کہ بھارت میں کورونا کی دوسری لہر کے دوران کیسز میں تیزی سے اضافہ ہورہا ہے۔ اس دوران متعدد بھارتی اداکار  و کرکٹر کورونا کی لپیٹ میں آچکے ہیں۔