ایک سال تک چہرے کو بالوں سے چھپانے والا جنوبی کورین گلوکار

عام طور پر کوئی بھی شخص آنکھوں پر آتے بالوں سے جھنجھلاہٹ محسوس کرتا ہے اور یہی وجہ ہے زیاد تر افراد فوراً ہی آنکھوں پر آنے والے بالوں کو پیچھے ہٹانا ہی مناسب سمجھتے ہیں لیکن ہم آپ کو آج ایک ایسے شخص سے متعلق بتانے جارہے ہیں جن کے آنکھوں کو ڈھانپتے بال ہی ان کی مقبولیت کی وجہ بن گئے۔

جنوبی کوریا کے مقبول پاپ گروپ میں شامل جنجی نامی گلوکار اور ڈانسر اپنے منفرد ہیئر اسٹائل کے باعث مداحوں کی توجہ حاصل کرنے میں کامیاب ہوگئے ہیں۔

جنجی 2019 میں جنوبی کوریا کے آن لی ون آف این آل میل گروپ کے ممبران میں سے ایک ہیں جنہیں ان کے بالوں کے سبب ان کے بینڈ میں موجود سب ہی گلوکاروں میں سے شناخت کرنا بے حد آسان ہے اور اس شناخت کی وجہ جنجی کے آنکھوں کو ڈھانپتا لمبا اور گولڈن بلونڈ بینگ ہیئر اسٹائل ہے۔

میڈیا رپورٹس کے مطابق جنجی 2020 کے آغاز سے ہی منفرد اور مختلف ہیئر اسٹائل اپنائے ہوئے ہیں جن سے متعلق کچھ لوگو ں کا خیال ہے کہ جنجی چاہتے ہیں کہ ان کے شائقین انہیں چہرے سے زیادہ ان کے لکس سے پسند کریں جب کہ کچھ کا کہنا ہے کہ جنجی اپنے بینڈ کے دیگر لوگوں کی طرح خوبصورت نہیں جس کے باعث وہ ہیئر اسٹائل کے ذریعے اپنا منہ چھپائے ہوئے ہیں۔

خیال رہے کہ جنوبی کوریا کے میوزیکل بینڈز کے ممبران کے لیے فزیکل لکس بے حد اہمیت کے حامل ہیں تاہم جنجی کا اس کے باوجود ایک سال سے چہرہ چھپانا قدرے غیر معمولی تھا تاہم مداحوں کی تنقید کے بعد جنجی اپنا ہیئر اسٹائل تبدیل کرچکے ہیں اور جنجی کی نئی تصاویر بھی بینڈ کے آفیشل انسٹاگرام پیچ پر شیئر کی جاچکی ہیں۔

اپنے منفرد ہیئر اسٹائل کے حوالےسے جنجی کا کہنا ہے کہ انہوں نے شروعات میں چہرے کو ڈھانپتا ہیئر اسٹائل چند ہفتوں کے لیے اپنانے کا سوچا تھا لیکن جب لوگوں نے ان سے متعلق باتیں کرنا شروع کی تو انہوں نے اس ہیئر اسٹائل کو اپنانے کا ارادہ طویل کردیا۔ 

’کبھی موٹی نہ ہونا‘، بیٹی سے حلف نامہ سائن کرانے والے باپ کو سزا

برطانیہ کےعلاقے برکشائر سےتعلق رکھنے والے 56 سالہ ریچڈ کھاڈلا نے بیٹی کو مجبور کیا کہ وہ مربھی جائیں تو وہ موٹی نہ ہو اور ہمیشہ ورزش کرے

گوگل میپ کے ذریعے دولہا کسی اور خاتون کی شادی میں پہنچ گیا

انڈونیشیا کے ایک گاؤں میں اس دن ایک جگہ شادی تھی ، اور کسی اور جگہ منگنی کی تیاری چل رہی تھی،اس کی وجہ سے دولہا الجھ گیا۔