22 اپریل ، 2021 
پاکستان
فوٹو: رائٹرز
کوئٹہ دھماکے میں اموات کی تعداد 5 ہوگئی، مقدمہ درج
22 اپریل ، 2021
کوئٹہ: ہوٹل کی پارکنگ میں دھماکے کا مقدمہ درج کرلیا گیا جب کہ دھماکے میں ہلاکتوں کی تعداد 5 ہوگئی۔
سی ٹی ڈی حکام کے مطابق کوئٹہ دھماکے کا مقدمہ تھانہ سی ٹی ڈی میں درج کیا گیا ہے جو متعلقہ تھانے کے ایس ایچ او کی مدعیت میں درج کیا گیا ہے جب کہ مقدمے میں ایکسپلوسیو ایکٹ اور انسداد دہشتگردی ایکٹ کی دفعات بھی شامل کی گئی ہیں۔
دوسری جانب سی ٹی ڈی نے کوئٹہ بم دھماکےکی ابتدائی تحقیقات شروع کر دیں اور ترجمان بلوچستان پولیس کے مطابق ابتدائی شواہدکے مطابق دھماکا خودکش ہوسکتا ہے۔
علاوہ ازیں کوئٹہ دھماکے کا ایک اور زخمی دم توڑ گیا جس کے بعد ہلاکتوں کی تعداد 5 ہوگئی جب کہ 10 افراد زخمی ہیں۔
