22 اپریل ، 2021 
پاکستان
فوٹو: اے ایف پی
سی ٹی ڈی نے کوئٹہ دھماکے کو خودکش حملہ قرار دے دیا
22 اپریل ، 2021
کوئٹہ: محکمہ انسداد دہشتگردی (سی ٹی ڈی) نے ہوٹل کی پارکنگ میں ہونے والے دھماکے کو خودکش قرار دے دیا۔
ترجمان سی ٹی ڈی کے مطابق گزشتہ رات ہوٹل میں ہونے والے دھماکےکی تحقیقات جاری ہیں اور شواہد کے مطابق ہوٹل میں دھماکا خودکش تھا۔
سی ٹی ڈی کا کہنا ہےکہ دھماکے کے وقت خودکش حملہ آور گاڑی میں موجود تھا جب کہ دھماکا خیز مواد کی نوعیت کا معلوم کیاجارہاہے۔
واضح رہےکہ گزشتہ روز کوئٹہ کے مقامی ہوٹل میں ہونے والے دھماکے کے نتیجے میں 5 افراد جاں بحق اور 10 زخمی ہوئے۔
