22 اپریل ، 2021 
کراچی میں کاروبار کے ایام میں ایک بار پھر تبدیلی کردی گئی
22 اپریل ، 2021
کراچی میں کاروبار کے دنوں میں ایک بار پھر تبدیلی کردی گئی ہے اور اب شہر میں تجارتی مراکز جمعہ اور اتوار بند رہیں گی۔
محکمہ داخلہ سندھ کی جانب سے جاری حکم نامے کے مطابق کراچی میں ہفتہ وار ’سیف ڈیز‘ ایک بار پھر تبدیل کردیے گئے ہیں۔
تجارتی مراکز ہفتہ اور اتوار کے بجائے اب جمعہ اور اتوار کو بند رہیں گے جبکہ ہفتے کو کاروبار کھلا رہے گا۔
کراچی تاجر اتحاد کا کہنا ہے کہ نئے نوٹیفکیشن کے بعد کاروباری مراکز کل یعنی جمعہ کو بند رہیں گے۔
خیال رہے کہ کورونا کی وجہ سے اس سے قبل مارکیٹیں جمعہ اور اتوار ہی بند ہورہی تھیں تاہم سندھ حکومت نے اچانک ہفتہ اتوار مارکیٹیں بند رکھنے کا اعلان کردیا تھا۔
علاوہ ازیں صوبے میں کاروباری اوقات سحری سے شام 6 بجے تک ہیں اور اس حوالے سے کوئی تبدیلی سامنے نہیں آئی۔
