والد کے انتقال کے 6 روز بعد حنا خان بھی کورونا وائرس کا شکار ہوگئیں

بھارتی ٹی وی اور فلم کی اداکارہ حنا خان بھی کورونا وائرس کا شکار ہوگئیں۔

بھارتی میڈیا کے مطابق حنا خان کا کورونا ٹیسٹ مثبت آیا ہے اور اداکارہ نے بھی اس کی تصدیق اپنے انسٹاگرام اکاؤنٹ پرکردی ہے۔

بھارتی اداکارہ حنا خان کے والد انتقال کرگئے

حنا خان کو والد کے انتقال کی خبر مقبوضہ کشمیر میں شوٹنگ کے دوران دی گئی

خیال رہےکہ چند روز قبل ہی حنا خان کے والد دل کا دورہ پڑنے سے انتقال کرگئے تھے۔

ان کا کہنا ہے کہ میرے اور میرے اہل خانہ کے لیے یہ انتہائی مشکل وقت ہے، ڈاکٹروں کی ہدایت کے مطابق میں نے خود کو قرنطینہ کرلیا ہے اور تمام ضروری احتیاطی تدابیر اختیار کی ہیں۔

حنا خان نے اپنے مداحوں سے صحت یابی کے لیے دعا کی اپیل کرتے ہوئے  ان سے احتیاط کرنے کی درخواست بھی کی ہے۔