27 اپریل ، 2021 
پاکستان
کورونا: پنجاب اور خیبرپختونخوا کے اسپتالوں پر شدید دباؤ
27 اپریل ، 2021
پاکستان میں کورونا وبا کے باعث پنجاب اور خیبر پختونخوا کے اسپتالوں پر شدید دباؤ ہے۔
جیو نیوز کےمطابق پنجاب اور کے پی میں کورونا کے مریضوں کی تعداد میں ہرگزرتے دن کے ساتھ اضافہ دیکھنے میں آرہا ہے جب کہ تشویشناک مریضوں کی تعداد بھی بڑھ رہی ہے۔
پنجاب میں گوجرانوالہ میں 81 فیصد اور لاہور میں 69 فیصد مریض وینٹی لیٹر پر ہیں جب کہ خیبرپختونخوا کے شہر پشاور میں 78 فیصد اور وائرس سے بری طرح متاثر ضلع مردان میں 73 فیصد مریض وینٹی لیٹر پر ہیں۔
واضح رہےکہ ملک میں گزشتہ 24 گھنٹوں کے دوران کورونا سے مزید 142 اموات ہوئی ہیں۔
