پاکستان ایٹمی توانائی کمیشن نے ملکی وسائل سے تیار وینٹی لیٹر متعارف کروا دیا

پاکستان ایٹمی توانائی کمیشن نے  ملکی وسائل سے تیارکردہ پہلا  آئی سی یو  وینٹی لیٹر آئی لیو (i-Live)کے نام سے متعارف کروادیا۔

 ترجمان پاکستان ایٹمی توانائی کمیشن کے مطابق پاکستان ایٹمی توانائی کمیشن نے ملکی وسائل سے تیار کردہ وینٹی لیٹر کو آئی لیو (i-Live) کا نام دیا ہے۔

پاکستان میں بننے والے وینٹی لیٹرز کے معیار پر شبلی فراز اور فواد چوہدری آمنے سامنے

شبلی فراز کو شاید ان چیزوں کا علم نہیں ہوگا، انہیں وینٹی لیٹرز بنانے والی کمپنیز سے بریفنگ لینی چاہیے، فواد چوہدری

ڈریپ نے وینٹی لیٹر کی تیاری اور استعمال کی باقاعدہ منظوری بھی دے دی ہے، یہ ملک میں تیار کردہ پہلا وینٹی لیٹر ہے جسے ڈریپ نے منظور کیا ہے۔

ترجمان نے کہا کہ ڈریپ کی حتمی منظورى کے بعد وینٹی لیٹر کی بڑے پیمانے پر تیارى شروع کر دى جائے گی۔

ترجمان کے مطابق وینٹی لیٹر ایٹمی توانائی کمیشن کے سائنسدانوں اور انجینئرز نے مروجہ طبی معیارات کے مطابق تیار کیا، جس کی جناح اسپتال لاہور میں بھی جانچ کی گئی ہے، جانچ میں شامل طبی ماہرین، بائیو ٹیکنالوجی اور بائیو میڈیکل انجینئرز نے اسے کامیاب قرار ديا ہے۔