29 اپریل ، 2021 
کورونا کی صورتحال خطرناک ہورہی ہے، مزید سخت اقدامات کرنا ہوں گے، بزدار
29 اپریل ، 2021
لاہور: وزیراعلیٰ پنجاب عثمان بزدار کا کہنا ہےکہ کورونا کوکنٹرول کرنے کے لیے مزید سخت اقدامات کرناہوں گے۔
وزیراعلیٰ پنجاب عثمان بزدار سے صوبائی وزرا، اراکین قومی وصوبائی اسمبلی نے ملاقاتیں کی جس میں منتخب نمائندوں نے وزیراعلیٰ کو اپنے علاقوں کے مسائل سے آگاہ کیا جس پر عثمان بزدار نے انہیں مسائل حل کرنے کی یقین دہانی کرائی۔
عثمان بزدار نے کہا کہ کورونا کوکنٹرول کرنے کے لیے مزید سخت اقدامات کرناہوں گے کیونکہ وائرس کے باعث ہیلتھ سسٹم پر بے پناہ دباؤ ہے، عوام کواحتیاط کرنا ہوگی، صورتحال خطرناک ہوتی جارہی ہے۔
انہوں نے کہا کہ پی ڈی ایم کا غیر فطری اتحاد اپنے انجام کو پہنچ چکا ہے، اپوزیشن نے جو بویا وہی اب کاٹ رہے ہیں، اپوزیشن نےملکی مفادات کو داؤ پر لگانے میں کوئی کسر نہیں چھوڑی، عوام میں منفی سیاست کرنے والوں کی ساکھ ختم ہوچکی ہے۔
