شوہر نے بیوی کی شادی اس کے محبوب سے ہی کروا دی

اب تک ہم بھارتی فلموں میں ہی دیکھتے آئے تھے کہ بھارتی  فلم دل دے چکے صنم میں ہیرو  اجے دیوگن اپنی اہلیہ ایشوریہ رائے کی شادی اس کے محبوب سے کروانے کے لیے مکمل طور پر  تیار ہوگئے تھے لیکن اب حقیقت میں ایک بھارتی شخص نے اپنی بیوی کی شادی اس کے محبوب سے کروا کر سب کو حیران کر دیاہے۔

 میڈیا رپورٹس کے مطابق بھارتی ریاست بہار کے شہر بھاگل پور سے تعلق رکھنے والے اتم منڈل اور سپنا کی شادی 2014 میں شادی ہوئی اور جوڑے کے دوبچے بھی ہیں۔ 

شادی کے کچھ عرصے بعد سپنا کو شوہر کے کم عمر  رشتے دار  راجو کمار سے محبت ہو گئی اور دونوں نے بھاگنے کا فیصلہ بھی کر لیا۔

تاہم اس محبت کا علم جب سپنا کے شوہر کو ہوا تو پہلے پہل دونوں کئی بار جھگڑے تاہم بعد ازاں سپنا کے اپنی ضد پر اڑے رہنے کے باعث اتم نے بیوی کی محبت کو پانے میں اس کی مدد کرنے کا فیصلہ کیا۔

دلہن کا حق مہر میں دولہے سے 32بے گناہ ملزمان کی ضمانت اور 32 نوافل کا مطالبہ

اگرچہ ہمارا حق مہر تھوڑا مختلف ہے لیکن مشکل نہیں، میں اس مطالبے سے بہت سکون محسوس کر رہی ہوں: وکیل صفیہ

بھارتی میڈیا سے گفتگو کرتے ہوئے سپنا کے شوہر اتم نے بتایا کہ پہلے پہل تو وہ افسردہ ہوئے تاہم پھر اس مسئلے کا حل نکالنے کا سوچا، اتم کے مطابق اگر  وہ ایسا نہ کرتے تو 3 لوگوں کی زندگیاں برباد ہو جاتیں، یہی وہ واحد حل تھا جس کے بعد ہم سب خوش رہ سکتے ہیں۔

کئی سالوں تک اتم اور سپنا کے گھر والے سپنا کو اپنا گھر خراب نہ کرنے اور  اتم کے ساتھ رہنے پر مجبور کرتے رہے لیکن اتم کی کوششیں رائیگاں نہیں گئیں اور  بالاخر اتم نے گھر والوں کو سپنا کی اس کے محبوب سے شادی میں شرکت کرنے  پر  رضامند کر لیا۔

بھارتی جوڑے نے عروسی لباس کی جگہ کورونا سے بچاؤ کی کٹ پہن کر شادی کرلی

ان دنوں سوشل میڈیا پر بھارت کے شہر رتلام میں ہونے والی ایک انوکھی شادی کے چرچے ہیں

تاہم اب تک یہ واضح نہیں ہو سکاہے کہ راجو اور سپنا کی شادی سے قبل اتم سپنا کو طلاق دے چکے تھے یا نہیں، بھارتی میڈیا کے مطابق جوڑے کے دونوں بچے والد کے پاس ہیں کیونکہ سپنا نے بچوں کو اپنے ساتھ رکھنے سے انکار کر دیا تھا۔