ممتا بنرجی سادگی میں جنوبی ایشیائی سیاستدانوں کیلیے مثال بن گئیں

بھارتی ریاست مغربی بنگال میں حکمراں جماعت بی جے پی کو شکست دینے والی ممتا بنرجی سادگی میں جنوبی ایشیا کے تمام سیاستدانوں کے لیے مثال بن چکی ہیں۔

2 بار بنگال کی وزیراعلیٰ رہننے والی گیت نگار ،مصنفہ اور مصورہ ممتا بنرجی کا کہنا ہے کہ انہوں نے آج تک نہ حکومت سے اپنی پنشن لی اور نہ ہی وزیراعلیٰ کی حیثیت سے تنخواہ لی۔

مودی کا ایڑی چوٹی کا زور لگانےکے باوجود مغربی بنگال الیکشن میں بی جے پی کو شکست

مغربی بنگال کی وزیراعلیٰ ممتا بنرجی کی جماعت نے 294 میں سے 200سے زائد نشستیں حاصل کرلی ہیں جب کہ بی جے پی 65 نشستیں حاصل کرسکی ہے۔

ہمیشہ سفید ساڑھی میں ملبوس رہنے والی ممتا سادہ سی ہوائی چپل پہنتی ہیں اور ہمیشہ اکنامی کلاس میں سفر کرتی ہیں ۔

مغربی بنگال کی مقبول ترین سیاسی رہنما  اندورن ملک سفر کے دوران گیسٹ ہاؤس میں اپنے خرچے پر رہتی ہیں اور چائے تک اپنے پیسوں کی پیتی ہیں۔

ممتا کا کہنا ہےکہ ان کی کتابوں اور گیتوں سے حاصل ہونے والی رائلٹی ان کی گزر بسر کے لیےکافی ہے۔