Can't connect right now! retry

کورونا نے ایک اور سینئر بھارتی اداکارہ کی جان لے لی

فوٹوبشکریہ سوشل میڈیا

بالی وڈ اور  بھوجپوری فلم انڈسٹری کی سینئر اداکارہ سری پراڈھاکورونا کے سبب انتقال کر گئیں۔

بھارتی میڈیا کے مطابق  ساؤتھ انڈین اداکارہ سری پراڈھاحال ہی میں کورونا کا شکار ہوئی تھیں۔

اداکارہ کی موت کی تصدیق سائن اینڈ ٹی وی آرٹسٹس ایسوایسی ایشن کے جنرل سیکرٹری امت بہل نے کی۔

امت بہل کا کہنا تھا کہ کورونا کی دوسری لہر  بہت سی قیمتی جانیں لے چکی ہے، بدقسمتی کی بات ہے کہ ہم ایک سینئر اداکارہ سے محروم ہو گئے ہیں۔

امت بہل کے مطابق سری پراڈھا نے ہندی اور ساؤتھ سینما کے لیے ناقابل یقین حد تک کام کیا ہے۔

خیال رہے کہ سینئر اداکارہ سری پراڈھا بھوجپوری فلم انڈسٹری سے تعلق رکھنے والے نامور اداکاروں کے ساتھ کام کر چکی ہیں، انہوں نے روی کشن کے ساتھ ہٹ بھوجپوری فلم ’ہم تو ہو گئے نی توہر‘ میں بھی کام کیا تھا۔

سری پراڈھا ماضی میں بالی کے نامور اداکار دھرمیندر ، گووندا اور  ونود کھنہ سمیت متعدد اداکاروں کے ساتھ کام کر چکی ہیں۔

اداکارہ کی بالی وڈ فلموں میں آگ اور چنگاری، شعلے اور طوفان، آزمائش، بے وفا صنم، میری للکار سمیت کئی فلمیں شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM