آل پاکستان انجمن تاجران کا چاند رات تک کاروبار کھولنے کا اعلان

اسلام آباد: آل پاکستان انجمن تاجران نے کل سےچاند رات تک کاروبار کھولنے کا اعلان کردیا۔

صدر آل پاکستان انجمن تاجران اجمل بلوچ کا کہنا ہے کہ کل آزادکشمیر،گلگت بلتستان سمیت ملک بھرمیں کاروبارکھلےرہیں گے، سعودی حکومت کی طرح 24 گھنٹے کاروبار کرنے کی اجازت دی جائے۔

شاپنگ کا وقت ختم، جس نے عید کی شاپنگ کرلی کرلی، جو رہ گیا وہ رہ گيا

دن بھر بازاروں میں بھرپور رش رہا اور سڑکوں پر ٹریفک جام رہا، خریداروں نے کورونا ایس او پیز کی دھجیاں اڑا دیں

اجمل بلوچ کا کہنا ہے کہ حکومت کے پاس اگر کوئی ریلیف نہیں تو ہمیں کاروبار کرنے دے۔

خیال رہے کہ صرف صوبہ سندھ میں کل یعنی ہفتے کو کاروبار ہوگا جس کا وقت صبح 6 سے شام 6 تک ہے جبکہ ملک کے دیگر صوبوں میں آج شام 6 بجے سے شاپنگ مالز اور کاروباری مراکز بند کردیے گئے ہیں۔