08 مئی ، 2021 
شہباز ہتک عزت کیس، ڈیلی میل نے عدالت میں جواب جمع کرانے کیلئے مزید وقت مانگ لیا
08 مئی ، 2021
پاکستان مسلم لیگ (ن) کے صدر شہباز شریف اور داماد علی عمران کے ہتک عزت کیس میں برطانوی اخبار ڈیلی میل نے عدالت میں جواب جمع کرانے کیلئے مزید وقت مانگ لیا۔
ڈیلی میل نے دفاعی جواب مارچ 2021 کے آخر تک جمع کرانا تھا تاہم اخبار کے وکلا نے مزید وقت کے حصول کیلئے کچھ عرصہ قبل فریقین سے رابطہ کیا تھا۔
علی عمران یوسف کے وکلا نے اخبار کی جانب سے تاخیری حربے استعمال کرنے پر تشویش کا اظہار کیا۔
ہائیکورٹ نے جنوری میں مقدمے کی ابتدائی سماعت میں مضمون کی معنی کے سلسلے میں اخبار کے خلاف فیصلہ دیا تھا اورجسٹس سر میتھیو نے مضمون کو ہتک آمیز قرار دیتے ہوئے اخبار سے تمام الزامات کے ثبوت طلب کیے تھے۔
خیال رہے کہ اخبار میں ڈیوڈ روز کے مضمون میں شہباز شریف اور ان کے داماد پر کرپشن کے سنگین الزامات عائد کیے تھے۔ سنگین الزامات عائد کیے جانے پر شہباز شریف اور علی عمران یوسف نے اخبار پر ہتک عزت کا مقدمہ کیا تھا۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
