10 مئی ، 2021 
صیہونی فوج کا مسجد اقصیٰ پر حملہ، آواز نہ اٹھانے پر نور بخاری کی تنبیہ
10 مئی ، 2021
شوبز کی دنیا کو خیرآباد کہنے والی سابق اداکارہ نور بخاری نے مسجد الاقصیٰ کی موجودہ سنگین صورتحال پر سلیبریٹیز سے شدید ناراضگی کا اظہار کیا ہے۔
نور بخاری نے مشہور شخصیات سے سوال کیا ہے کہ سب خاموش کیوں ہیں؟ اس معاملے پر ظلم کے خلاف کوئی اپنی آواز کیوں نہیں اٹھا رہا؟
نور بخاری نے انسٹاگرام اکاؤنٹ پر مقبوضہ بیت المقدس پر ہونے والے حملے کی تصویر شیئر کرتے ہوئے کیپشن تحریر کیا کہ اسرائیل نے اس وقت مسجد پر حملہ کیا جب ہمارے مسلمان بہن بھائی نماز ادا کر رہے تھے۔
انہوں نے لکھا سب خاموش کیوں ہیں؟ خدا کے لیے آواز اٹھاؤ، کہاں گئیں ہماری سلیبریٹیز، کوئی ٹوئٹ اب تک نہیں آیا۔
نور بخاری نے خطرہ ظاہر کرتے ہوئے تنبیہہ کی کہ خدا کے لیے آواز بلند کرو ورنہ تباہی ہمارا مقدر بن جائے گی۔
یاد رہے مسجد الاقصیٰ میں مسلسل کئی روز سے کشیدہ صورتحال قائم ہے، ستائیسویں شب پر اسرائیلی فوج نے فلسطینیوں پر ربڑ کی گولیوں سے فائرنگ اور اسٹن گرنیڈز مارے جس سے سیکڑوں افراد زخمی ہوئے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
