10 مئی ، 2021 
اسرائیلی فوج کا مسجد اقصیٰ پر حملہ، اشنا شاہ میڈیا اور دنیا پر برس پڑیں
10 مئی ، 2021
پاکستان کی معروف اداکارہ اشنا شاہ نے بھی بیت المقدس میں جاری کشیدہ صورتحال اور فلسطینیوں پر جاری مظالم کے باوجود میڈیا سمیت دنیا بھر کی خاموشی پر شدید غم و غصے کا اظہار کیا ہے۔
سماجی رابطے کی ویب سائٹ ٹوئٹر پر اشنا شاہ کی جانب سے ایک ٹوئٹ کے ذریعے فلسطینیوں پر جاری ظلم وستم پر میڈیا سمیت دنیا بھر کو آڑے ہاتھوں لیا گیا۔
اداکارہ نے اپنے ٹوئٹ میں لکھا کہ غیر قانونی اسرائیلی آبادکاری کے علاوہ میڈیا اور دنیا نے فلسطینیوں پر ظلم کیا ہے۔
اشناشاہ نے مزید لکھا کہ یہ لمبا باب (مسجد الاقصیٰ پر حملہ) تاریخ کا شرمناک واقعہ ہوگا۔
خیال رہے کہ اس سے قبل شوبز کی دنیا کو خیرآباد کہنے والی سابق اداکارہ نور بخاری نے بھی مسجد الاقصیٰ کی موجودہ سنگین صورتحال پر سلیبریٹیز سے شدید ناراضگی کا اظہار کیا ہے۔
نور بخاری کی جانب سے بیت المقدس پر حملے کو خطرہ ظاہر کرتے ہوئے تنبیہہ کی گئی کہ خدا کے لیے آواز بلند کرو ورنہ تباہی ہمارا مقدر بن جائے گی۔
یاد رہے مسجد الاقصیٰ میں مسلسل کئی روز سے کشیدہ صورتحال قائم ہے، ستائیسویں شب پر اسرائیلی فوج نے فلسطینیوں پر ربڑ کی گولیوں سے فائرنگ اور اسٹن گرنیڈز مارے جس سے سیکڑوں افراد زخمی ہوئے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
