بھارت میں کورونا سے ہلاک مریضوں کی لاشیں گنگا میں بہا دی گئیں

بھارت میں کورونا کی صورت حال ہر گزرتے دن کے ساتھ بھیانک ہوتی جارہی ہے اور اب نوبت یہاں تک پہنچ چکی ہے کہ آخری رسومات کیلئے جگہ نہیں مل پارہی ہے۔

بھارتی میڈیا کے مطابق ریاست بہار میں کئی لاشیں دریائے گنگا کے کنارے بہتی ہوئی پائی گئیں جبکہ  یہ لاشیں اترپردیش سے بہتی ہوئی بہار کے سرحدی علاقے بکسر میں دریائے گنگا کے کنارے تک پہنچیں۔

بھارت میں مسلسل پانچویں روزکوروناکے 4 لاکھ سے زیادہ نئے مریض سامنے آگئے

مسلسل دوسرے روز 4 ہزار سے زیادہ افراد جان کی بازی ہار گئے، نئی دہلی کے لاک ڈاؤن میں ایک ہفتے کی توسیع کردی گئی۔

رپورٹس میں کہا گیا ہے کہ درجنوں لاشوں کی حالت انتہائی خراب ہوچکی تھیں اور وہ گل سڑ چکی تھیں۔

بھارتی میڈیا کاکہنا ہے کہ ممکنہ طور پر 30 سے 40 ان مریضوں کی لاشیں ہیں جن کے لواحقین کو ان کی آخری رسومات اداکرنے کیلئے جگہ بھی نہیں ملی۔

بھارتی میڈیا کے مطابق لاشیں 5 سے 7 دن پرانی ہیں اور ان کی تعداد سو تک بھی ہوسکتی ہے۔