آئندہ چند سالوں میں یورپ کی سڑکوں پر بجلی سے چلتی گاڑیوں کا راج ہوگا

ماہرین کا کہنا ہے کہ یورپ میں 10،15 سال بعد سڑکوں پر بجلی سے چلتی گاڑیوں کا راج ہوگا۔

یورپی ماہرین کے مطابق  آئندہ 6،7  سالوں میں الیکٹرک گاڑیوں کی تیاری پر فیول اورگیس سے چلنے والی گاڑیوں سےکم لاگت آئےگی اور یورپ میں 10،15 سال بعد 100 فیصد خریدار  بجلی سے چلنے والی گاڑیوں کے ہی ہوں گے۔

برطانیہ میں پیٹرول، ڈیزل اور ہائبرڈ گاڑیوں پر 2035 تک پابندی لگادی جائے گی

برطانیہ کی اس پالیسی کا مقصد ماحولیاتی مسائل سے نمٹنا ہے اور 2050 تک کاربن ڈائی آکسائیڈ کے اخراج میں اپنا حصہ صفر کرنا ہے

رپورٹ کے مطابق کاربن ڈائی آکسائیڈ کے اخراج میں کمی کے لیے یورپی یونین کی ہدایات کے پیش نظرکارساز ادارے برقی اور ہائبرڈ گاڑیاں بنانے پر توجہ دے رہے ہیں۔

ماہرین کا کہنا ہے کہ آنے والے دنوں میں بجلی سے چلنے والی گاڑیاں بنانا مزید سستا ہوجائے گا جس کے باعث ان کاروں کی مقبولیت اور فروخت میں اضافہ ہوگا۔

خیال رہے کہ برطانیہ نے بھی ماحولیاتی مسائل سے نمٹنے کے لیے 2035 کے بعد پیٹرول، ڈیزل اور ہائبرڈ گاڑیوں کی فروخت پر پابندی کا اعلان کیا ہے۔

برطانیہ کی جانب سے اس پالیسی پر عمل درآمد کا مقصد عالمی ماحولیاتی مسائل سے نمٹنا ہے اور اقوام متحدہ کے ہدف کے مطابق 2050 تک کاربن ڈائی آکسائیڈ کے اخراج میں اپنا حصہ صفر کرنا ہے۔