مائرہ قتل کیس کی تفتیش سی آئی اے کو منتقل

لاہورکے علاقے ڈیفنس میں قتل کی گئی پاکستانی نژاد برطانوی لڑکی مائرہ کےکیس کی کی تفتیش سی آئی اےکو منتقل کردی گئی۔

پولیس ذرئع کے مطابق ڈی آئی جی انویسٹی گیشن نے مائرہ قتل کیس کی تفتیش سی آئی اے کو منتقل کر دی ہے، سی آئی اے پولیس اب حراست میں لیےگئے ملزموں سے تفتیش کر رہی ہے۔

لاہور میں قتل کی گئی پاکستانی نژاد برطانوی لڑکی کےکیس کی گتھی سلجھ نہ سکی

پولیس ذرائع کے مطابق مائرہ قتل کیس میں کوئی تیسرا بھی ملزم ہو سکتا ہے جس کے لیے ا س کے خاندان کے کچھ افراد کو بھی شامل تفتیش کیا جا سکتا ہے۔

دوسری طرف ایس ایچ او محمد قاسم کو معطل کر دیا گیا ہے، ڈی آئی جی آ پریشنز کے مطابق مائرہ نے پولیس کو دی گئی درخواست میں خود کو قتل کیے جانے کا خدشہ ظاہر کیا تھا لیکن ڈیفنس پولیس نے نہ صرف اس کی درخواست پر کوئی کارروائی کی بلکہ اسےہی ڈرا کر واپس بھجوا دیا تھا اور درخواست داخل دفتر کر دی تھی۔

خیال رہےکہ  مائرہ کو 3 مئی کواس کےکرائےکے گھر میں قتل کر دیا گیا تھا