151 بچوں، 16 بیویوں کے باوجود 17ویں شادی کے خواہشمند شخص کی کہانی

عام طور پر مہنگائی کے اس دور میں مردوں کی اکثریت ایک شادی اور چند بچوں سے پریشان نظر آتی ہے تاہم آج ہم جس شخص سے متعلق آپ کوبتانے جارہے ہیں ان کی 16 بیویاں اور  151 بچے ہیں ۔

ایک رپورٹ کے مطابق 66 سالہ مسہیک نیندورو زمبابوبے سے تعلق رکھنے والے ریٹائرڈ فوجی ہیں جن کا دعویٰ ہے کہ وہ 151 بچوں اور 16 بیویوں کے باوجود کوئی نوکری نہیں کرتے کیوں کہ ان کی کل وقتی ملازمت اپنی 16 بیویوں کا خیال کرنا ہے۔

دلہن کا حق مہر میں دولہے سے 32بے گناہ ملزمان کی ضمانت اور 32 نوافل کا مطالبہ

اگرچہ ہمارا حق مہر تھوڑا مختلف ہے لیکن مشکل نہیں، میں اس مطالبے سے بہت سکون محسوس کر رہی ہوں: وکیل صفیہ

مسہیک نیندورو کا کہنا ہےکہ وہ اتنی بیویاں رکھنے کے باوجود 17 ویں شادی کے لیے تیار ہیں۔

غیر ملکی اخبار سے گفتگو کرتے ہوئے ان کا کہنا تھا کہ انھوں نے یہ ازدواجی منصوبہ 1983میں شروع کیا تھا اور اس وقت تک رکنے کا ارادہ نہیں رکھتے جب تک انھیں موت نہیں آجاتی۔

مسہیک کے مطابق انہیں اپنے متعدد ازواجی تجربات پر فخر ہے ، اور اگر وہ کرسکے تو وہ 100 شادیاں کرتے تاکہ ان کے بچوں کی تعداد 1000 تک ہو جاتی۔

ان کا کہنا ہے کہ وہ اپنی ہر بیوی کے ساتھ اس کی عمر کے مطابق برتاؤ کرتے ہیں چھوٹی عمر کی بیویوں سے ویسا برتاؤ نہیں کرتے جیسا بڑی عمر کی بیویوں کے ساتھ رکھتے ہیں۔

شوہر نے بیوی کی شادی اس کے محبوب سے ہی کروا دی

بھارتی شہری اتم منڈل اور سپنا کی شادی 2014 میں شادی ہوئی تھی اور جوڑے کے دوبچے بھی ہیں

مزید حیران کن بات جو مسہیک نےمیڈیا کو بتائی وہ یہ کہ اتنا بڑا کنبہ ہونے کے باوجود مسہیک معاشی ذمہ داریوں کا بوجھ محسوس نہیں کرتے۔ 

ان کا کہنا ہے کہ وہ اس کے برعکس اپنے بڑے سے کنبے سے فائدہ اٹھا رہے ہیں۔

 انھوں نے کہا وہ اپنے بچوں سمیت سوتیلے بچوں سے بھی گفٹ اور پیسے وصول کرتے ہیں ۔

مسہیک نے مزید بتایا کہ ان کی ہر بیوی روزانہ ان کے لیے کھانا پکاتی ہے لیکن وہ صرف وہی کھانا کھاتے ہیں جو مزیدار ہو۔

زمبابوے سے تعلق رکھنے شخص نے شادی پر اپنی تمام بیویوں سے وعدہ لے لیا تھا کہ وہ جب بھی ان کھانا واپس کریں گے تو وہ ناراض نہیں ہوں گی۔