17 مئی ، 2021 
میری والدہ نے شعیب کو دیکھتے ہی پوچھا کہ یہ شادی شدہ ہے: سونیا حسین
17 مئی ، 2021
اداکارہ سونیا حسین نے والدین کی قومی ٹیم کے سابق کپتان شعیب ملک سے متعلق پسندیدگی کا انکشاف کیا ہے۔
سونیا حسین حال ہی میں شعیب ملک کے ہمراہ ایک نجی ٹی وی کے پروگرام میں شریک ہوئیں اور دوران شو عید مصروفیات سمیت شعیب ملک کی والدین سے متعلق پسندیدگی کے حوالے سے مداحوں کو بتایا۔
سونیا حسین نے میزبان کے سوال پر بتایا کہ وہ عام دنوں کے برعکس عید پر جلد اٹھ جاتی ہیں اور شاہی ٹکڑے بناتی ہیں۔ْ
میزبان کے سوال پر سونیا نے انکشاف کیا کہ وہ ایک بہت اچھی کک ہیں۔
اس دوران شعیب ملک نے بھی اداکارہ سونیا حسین کی بات سے اتفاق کرتے ہوئے بتایا کہ وہ جانتے ہیں کہ سونیا بہت اچھی کک ہیں کیوں کہ وہ ان کے ہاتھ کا بنا کھانا کھاچکے ہیں ۔
شعیب ملک نے کہا کہ وہ خوش قسمت ہیں کہ وہ نہ صرف سونیا حسین کاہاتھ کا بناکھانا کھاچکے ہیں بلکہ ان کی پوری فیملی سے بھی مل چکے ہیں جو کہ بہت اچھی ہے۔
سونیا حسین نے بتایا کہ جب شعیب ان کے گھر آئے تو وہ ان کے والدین کو بھی حد پسندآئے، ملاقات کے دوران ان کی والدہ شعیب کو دیکھتی ہی رہیں اور سوال کیا کہ کیا شعیب شادی شدہ ہیں؟
سونیا حسین کا کہنا تھا کہ ان کی والدہ ہر اچھے لڑکے کو دیکھ کر پہلا سوال یہی کرتی ہیں کہ یہ شادی شدہ ہے اور چونکہ ان کی والدہ سوشل میڈیا سے دور رہتی ہیں لہٰذا انہیں شعیب اور ثانیہ کی شادی کا علم نہیں تھا۔
اداکارہ نے مزید بتایا کہ ان کی والدہ نے انہیں میسج کرکے کہا شعیب اچھا لڑکا ہے۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
8 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
