اسرائیل فلسطین کے معاملے پر جوبائیڈن کو اپنی ہی پارٹی سے تنقید کا سامنا

اسرائیل فلسطین کے معاملے پر امریکی صدر جوبائیڈن کو اپنے ہی پارٹی اراکین کی جانب سے شدید تنقید کا سامنا ہے۔

امریکی میڈیا رپورٹ کے مطابق اسرائیل فلسطین تنازع پرامریکا کوکیا ردعمل دینا چاہیئے، اس معاملے پرڈیموکریٹس کے درمیان اختلاف ہیں اور ڈیموکریٹس اراکین کی جانب سے امریکی صدر جو بائیڈن کی انسانی حقوق کی وابستگی پر سوالات اٹھائے جارہے ہیں۔

اراکین جوبائیڈن انتظامیہ سے اسرائیل پر مزید دباؤ بڑھانے کا مطالبہ کررہے ہیں اور ڈیموکریٹس کے آزاد خیال اراکین نے اسرائیل کو گرفت میں نہ لانے اورانسانی حقوق کو نظرانداز کرنے پر وائٹ ہاؤس پر تنقید کی ہے۔

جب کہ مشرقی بیت المقدس میں فلسطینی خاندانوں کی جبری بے دخلی کی مخالفت نہ کرنے پر بھی وائٹ ہاؤس کو تنقید کا نشانہ بنایا جارہا ہے۔

غزہ کی پٹی پر اسرائیل کی ایک بار پھر شدید بمباری

اسرائیلی حملوں میں شہید افراد کی تعداد 209 ہوگئی اور 1200 سے زائد افراد زخمی ہیں۔

فلسطینیوں کے قتل عام پر احتجاج کا سلسلہ دنیا بھر میں پھیل گیا

لندن میں مظاہرے کے دوران ہزاروں افراد نے اسرائیلی سفارتخانےکی جانب بڑھنےکی کوشش کی۔