ڈاکٹرز نے غلطی سے مریض کی بائیں کی جگہ دائیں ٹانگ کاٹ دی

آسٹریا میں ایک افسوسناک واقعہ پیش آیا جب اسپتال کے عملے کی غفلت کے باعث ضعیف العمر شخص کو ناقابلِ تلافی نقصان اٹھانا پڑا۔

ڈاکٹرز اور نرسنگ اسٹاف سے چھوٹی موٹی غلطیوں کی توقع تو کی جاسکتی ہے لیکن کسی شخص کی زندگی کو خطرے میں ڈال دینا بے شک متوقع نہیں ہوتا مگر آسٹریا میں 82 سالہ بزرگ کو ڈاکٹرز کی غفلت کا ناقابل تلافیِ نقصان ہوا۔

میڈیا رپورٹس کے مطابق ایک بیماری کی وجہ سے اس مریض کی بائیں ٹانگ کاٹی جانی تھی لیکن  ڈاکٹرز نے غلطی سے دائیں ٹانگ کاٹ ڈالی اور غلطی کا اندازہ اس وقت ہوا جب ٹانگ کی پٹی تبدیل کی جارہی تھی۔

اس حوالے سے اسپتال کے ڈائریکٹر نے عوام سے سرعام معافی مانگی اور پریس کانفرنس کرتے ہوئے کہا کہ ہم تفتیش کر رہے ہیں کہ آخر اس سنگین نوعیت کی غلطی کیسے ہوسکتی ہے؟

عملے سے اس غفلت سے متعلق پوچھا گیا تو ان کا کہنا تھا کہ ہمیں لگتا ہے غلطی آپریشن سے قبل ٹانگ کی نشاندہی کے وقت ہوئی ہے۔

چور کو قتل کرکے لاش 15 سال تک گھر میں چھپائے جانے کا انکشاف

آسٹریلوی شہری نے لاش کی بدبو کو مارنے کے لیے 70 ائیرفریشنرز کا بھی استعمال کیا۔

سڑک میں دھنسی بچی کی تصویر نے انٹرنیٹ صارفین کو مشکل میں ڈال دیا

شیئر کیے جانے کے بعد بچی کی تصویر تیزی سے سوشل میڈیا پر وائرل ہوگئی