لندن اور پیرس میں ہزاروں افراد فلسطین پر اسرائیلی جارحیت کیخلاف سڑکوں پر نکل آئے

فلسطین پر اسرائیلی جارحیت کے خلاف دنیا بھر میں مظاہروں اور احتجاج کاسلسلہ جاری ہے۔

لندن میں اسرائیلی جارحیت کے خلاف  ہزاروں افراد سڑکوں پہ نکل آئے اور اسرائیل سے انسانی جانوں کے ضیاع کے حساب کا مطالبہ  کیا۔

لندن میں اسرائیلی سفارتخانے کے باہر بھی احتجاج کیا گیا اس دوران پولیس اور مظاہرین میں جھڑپیں بھی ہوئیں جس میں 2 افراد کو گرفتار بھی کرلیا گیا۔

بمباری رکنے کے بعد فلسطینیوں کی تباہ حال گھروں کو واپسی، ملبے سے مزید 5 لاشیں نکال لی گئیں

ملنے تلے سے مزید لاشیں ملنے کے بعد شہیدوں کی تعداد 248 ہوگئی جن میں 66 بچے بھی شامل ہیں

پیرس سمیت فرانس کےکئی شہروں میں بھی ہزاروں افراد فلسطین کے حق میں سڑکوں پر نکل آئے ۔

مظاہرین نے اسرائیل کےخلاف نعرے لگائے اور فرانس سے اسرائیل کے ساتھ تعلقات ختم کرنے کا مطالبہ کیا۔

اسپین کے دارالحکومت میڈرڈ میں بھی سیکڑوں افراد نے فلسطین کے حق میں اور اسرائیلی جارحیت کے خلاف مظاہرہ کیا۔