24 مئی ، 2021 
پاکستان
’لندن میں خطرہ ہے تو نوازشریف پاکستان آئیں اچھی دیکھ بھال کریں گے‘
24 مئی ، 2021
وفاقی وزیر منصوبہ بندی اسد عمر نے سابق وزیراعظم کو لندن میں خطرات کے پیش نظر پاکستان آنے کا مشورہ دے دیا۔
ایک بیان میں وفاقی وزیر اسد عمر نے کہا کہ پاکستان میں حزب مخالف کے اتحاد پاکستان ڈیموکریٹک موومنٹ (پی ڈی ایم) اپنے ہی وزن تلے دب چکی ہے۔
انہوں نے کہا کہ اگر نوازشریف کو لندن میں کوئی خطرہ ہے تو مشورہ ہے وہ فوراً پاکستان آجائیں، خدانخواستہ میاں صاحب کو کچھ ہو نہ جائے۔
وفاقی وزیر کا کہنا تھا کہ یہ ملک ان کا ہے، یہ دھرتی ان کی ہے، حکومت اچھے طریقے سے میاں صاحب کی دیکھ بھال کرے گی اور محفوظ جگہ پررکھے گی، پاکستان میں جیل سب سے محفوظ جگہ ہے۔
